№4 Сәуір, 2021
Алдымыздағы ұлық мейрамға орай Ел Президенті Қасым-Жомарт Тоқаевтың «Тәуелсіздік бәрінен қымбат» атты ұлағат пен үлгі-өнегеге толы мақаласы жарық көрді. Президентіміз онда 30 жыл ішінде тәуелсіз елімізде атқарылған ұлан-ғайыр шаруаға тоқтала келіп, Елбасымыз Н.Ә.Назарбаев ұсынған «Мәдени мұра» бағдарламасының зор үлесіне де тоқталып өткен еді. Бүгін осы игі істің өз ауданымызда әлі де жалғасуда екенін айту да еш артық болмас деп білеміз. Иә, Қазақ Елі тәуелсіздік алып, өз алдына шаңырағы шаттыққа толы мемлекет болып құрылғанына биыл 30 жыл. Тәуелсіздік алғаннан бері басқа аймақтар тәрізді Ақтөбе облысының Қобда ауданының да тарихы түгенделіп, кешегісі мен бүгінгісін сабақтастыруда ұрпақ рухы мен елге, ұлтқа деген саяси, мәдени тарихи пайым-пікірі жаңғырып, туған жерді қай жағынан да түлету аясында талай шаруаның басы қайрылды. «Жерімнің топалетті менің халқым» – деп жерлесіміз Байтабынов Айса жырау жырлағандай, бүгінгі күні бәрі тасқа басылып, жоқты түгендеуге, барды бағалауға байланысты игі істер жалғаса түсуде.
Президентіміз өз мақаласында айтқандай еліміздің мәдениеті дами түсуіне біздің ауданымыздың да мәдениет саласы да үнемі өз үлесін қосуда деп батыл айта аламыз. Қазіргі таңда Қобда ауданы бойынша барлығы 44 мәдениет ошағы халыққа қызмет көрсетеді. Олардың 23-і клубтық мекемелер болса, қалған 21-і ауылдық кітапханалар. Ауданда халықтық атағына ие болған төрт ұжым бар, олар: «Қарлығаш» халықтық би ансамблі, «Гүл-М-Жан» халықтық вокалдық тобы, «Айқаракөз» вокалдық әжелер ансамблі және «Сынтас» халықтық жастар театры.Аталған өнерпаздар ұйымдары облыстық, республикалық, халықаралық байқауларға талай мәрте қатысып өз өнерлерімен аудан абыройын асқақтатып жүр.
Иә, Президент мақаласында еліміз Тәуелсіздік алған жылдардан бері мәдениет саласында да елеулі жұмыстар жасалып соның бәрі түгелдей ел игілігіне пайдаланып келе жатқаны айтылды, ол әмбеге аян. Сонау тоқырау жылдарынан кейін өңірдің қай саласында да әсіресе, мәдениет саласында есеңгіреп қалған халқымыз, тәуелсіздіктің алғашқы нәтижелерін көре бастады. Бұған дәлел, сол тоқырау жылдары ауылдардағы кезінде жұмысын тоқтатып, жабылып қалған мәдениет ошақтары қайта ашылып, мәдениеттің тамырына қан жүгіре бастады. Осы жылдардан қазіргі күнге дейін атқарылған мәдени шараларды шағын мақалада айтып түгесу мүмкін емес. Атап айтар болсақ, тәуелсіздік алғаннан бері көптеген ауылдық клубтар мен кітапханалар күрделі және біркелкі жөндеуден өткізіліп, тұралап қалған материалдық-техникалық бад Қобда, Әлия, И.Білтабанов атындағы және Жиренқопа, Ақырап, Бесқұдық,Талдысай, Қызылжар ауылдық клубтары күрделі жөндеуден өткізілді. Осыдан біраз бұрын Егіндібұлақ ауылында Жастар үйінің, ал 2020 жылы Терісаққан ауылында 150 орындық клуб ғимараты клубының ғимараттары салынып, ел игілігіне пайдалануға берілді. Қобда, И.Білтабанов атындағы Бестау, Әлия, Талдысай, Егіндібұлақ, Бесқұдық ауылдық мәдениет нысандарына газдандыру жұмыстары жүргізілді.
Ел Президенті Қасым-Жомарт Тоқаев өзінің ғибратқа толы мақаласында айтқандай осының бәрі тәуелсіздіктің арқасы емей немене?! Ақиқатын айту керек, сол бір қиын-қыстау тоқырау дәуірінде жамағат кітап оқуды да азайтқаны рас. Ал бүгінде ше? Бүгінде ауданның кітапхана жүйесі де өз оқырмандарымен қайта қауышып оқырман саны көбейіп, кітап қорлары жыл сайын толыға бастады. Ауданның 13 кітапханасына «Рабис» бағдарламасы орнатылып, аудандық балалар кітапханасында және Талдысай мен Қызылжар ауылдық кітапханалары жанынан KOVORKING орталықтары ашылды.Біз туған өлкеміз Қобда ауданы мәдениет нысандарының материалдық-техникалық базасы да жыл сайын заманға сай жаңартылып, нығайтылып келе жатқанына қуанамыз.
Иә, Мемлекет басшысы өзінің бір сөзінде: «Патриотн , қалаң мен өңіріңе, яғни туған жеріңе деген сүйіспеншіліктен басталады» деген болатын. Ұрпаққа мирас болар мұра қалдыру үшін қазір «Туған жерге — тағзым» акциясының аясында ауданның орталығында жаңа мәдени де, тұрмыстық та нысандар салынды. Орталықтан «Мәңгілік ел» саябағы ашылып, ұрпақ санасын ұлттық, елдік ұлы мәдени жаңғыруға үндейтін және өткеніміз бен өшкенімізді қайта жаңғыртқан таснама орнатылды. Таснамаға нәубет жылдарының, саяси қуғын-сүргін кезеңінің құрбандарының, Ұлы Отан соғысынан қайтпай қалған боздақтардың, Кеңес Одағының 8 Батырының, Ауған соғысына қатысқан жауынгерлердің, бейбіт күннің батырларының аты-жөні қашалып жазылды. Ал Чернобыль апатын жоюға қатысқандардың, Семей полигоның құрбандарының, Ауған-Тәжік шекарасындағы қақтығысқа қатысқан қобдалық жауынгерлердің құрметіне белгі тас қойылды.
Ұрпақты отансүйгіштікке тәрбиелейтін «Отан-Ана», «Мәңгілік ел» саябағы, Рәміздер алаңы, «Денсаулық аллеясы» ашылды. Ал Қобдаға кірген тұста өшпес ерліктің өнегесі болған, эпостық жыр батыры Қобыландының Тайбурылды ерттеген ескерткіші тұрғызылды.
Соңғы жылдары жаңғырған өңірдің жаңа келбетіне әр берген, осы өлкедегі халықты рухтандырған ескерткіштердің бірі Алтай батырдың ескерткіші орталыққа қойылып, Қобданың бойын жайлаған елдің қорғаны болған тарихи тұлға–Исатай батырдың ескерткіші Қобданың шыға берісінде, Шейітсай қорымына аттанар бағыттағы жаңа скверге қойылды.
Қобданың орталығында «Отан Ана» саябағы жаңғырды. Саябақ ішінде А.Сүлейманова атындағы «Махаббат» аллеясы, «Отбасы алаңы» және «Батыр аналар» аллеясы ашылды. Бұл — отбасы құндылығын дәріптейтін, ұлттық мүддені көздейтін орын, демалыс орталығы.
Қобда экономикалық потенциалы жеткілікті, жер қойнауы бай, интелектуалдық және мәдени деңгейі жоғары өңір. Қобда өңірінің ең басты байлығы – ерлік пен мәрттікті, парасаттылық пен біліктілікті, асқақ рухты ұстанған ертеңгі күнге берік сеніммен қарайтын ұл-қыз тәрбиелеп отырған киелі мекен.
с халқым» — деп Айса жырау жоғарыда айтқандай Қобда ауданы Ақтөбе агломерациясына енетін келешегі зор, әлеуеті жоғары мәдениеті рухани жаңғырған өңір.
Тәуелсіздігіміздің 30 жылдық тарихында Қобда ауданы көркейген үстіне көркейіп, гүлденіп, рухани жаңғыруда.
А.Жұмағұлова,
Қобда аудандық мәдениет және
тілдерді дамыту бөлімінің
басшысы