Қазір еліміздің назары Арысқа ауғалы да біраз болды. Кенеттен келген апат тек Оңтүстіктің, оның ішінде Арыстықтардың үлкен абыржуын туғызып қоймай бүкіл ел жұртшылығын бір есеңгіретіп өткендей болды. Енді міне, одан келген шығынның орнын толтыруға ел болып атсалысуда. Бүгінде Арыс қаласында Атырау облысына бөлінген аумақ  бойынша жұмыстар атқарылуда. Арыс өңірінде болған жары­лыстың салдарынан зардап көр­ген үйлерді қалпына келтіру бо­йынша, Арыс қаласын бір­неше секторға бөлген болатын. Атырау облысының үлесіндегі секторда 482 үйді қалпына кел­тіру жұмыстары бар. Соның ішін­де 24 үй жарылыстың салда­рынан мүлдем жойылған. Ал қалған үйлердің терезелері, төбелері және ішкі құрылыс бөліктері сынған.

Атырау облысының әкімі Нұр­лан Ноғаевтың айтуынша, жөндеу жұмыстарына техни­калар мен бес жүзгеге жуық адам жұмылдырылған. Аймақ басшы­сының орынбасары, об­лыс әкі­мінің кеңесшісі және басқарма басшылары Арыс қаласында міндеттелген жұ­мыстар толық аяқталғанша болатын болды.

– Арыстағы төтенше жағдай орын алғаннан кейін, атырау­лықтар да көмек көрсету шара­сына белсенді араласып кетті. Атап айтқанда, кәсіпкерлердің, мемлекеттік қызметкерлердің, тұрғындардың ашылған шотқа аударған 100 млн-даде басқа, атыраулықтардың жинаған азық-түлігі, киім-ке­шегі, басқада тұрмыстық жағ­дай­ға қажет заттардың 4 жүк ма­шинасы Арысқа жеткізілді. Аты­раулықтар «Арыс, біз бірге­міз!» акциясының қатысу­шы­лары ретінде, Арыстағы жағдай толығымен бітпейінше, көмек беру іс-шараларын ары қарай жалғастыра береді, – дейді Аты­рау облысының әкімі Нұрлан Ноғаев. Иә, Арыс жұртының атыраулықтарға алғысында шек жоқ.

Кімнің кім екені қиыншылықта көрінеді деп қайран ата-бабаларымыз беке!-

Тұрсын Жұмабекқызы