№3 Наурыз, 2022
Балалардың тілге, әдебиетке, өнерге деген талпынысын арттыруда қашанда білім бұлағы кітаптың алар орны ерекше. Біздің кітапхана ұжымы осынау қастерлі ұстанымды қатаң сақтаумен келе жатқан десем қателесе қоймаспын деймін. Жақында яғни, 21 ақпан күні Ақтөбе қаласы Нұрпейіс Байғанин атындағы облыстық б5 рта мектепте халықаралық Ана тілі күніне арналған «Тарих- тамыр, тіл-тұғыр» атты дөңгелек үстел өткізді.
Заңғар жазушы Шыңғыс Айтматов өскелең ұрпақ тілімізбен бірге өсіп – өнеді, тілімізбен бірге өркендейді деген. Қай елдің болсын өсіп-өркендеуі , өнуі, дүниеде өзіндік орын алуы оның ана тіліне тікелей әсер етеді.Ол достықтың кілті, ынтымақтастықтың бастауы, ырыс – берекенің алды, ұлттың әрі жаны, әрі ары. Тіл жай сөз емес, өмірдің талай сынынан өткен, өскелең талаптарға сәйкес өрістей түскен толыққанды ақиқат десек, жаңыла қоймаспыз. Тіл – таусылмайтын байлық.
Шара барысында «Тіл – халықтың рухы» атты кітап көрмесіне библиографиялық шолу жасалды. Ұлттың ұлылығы ұлттық құндылықтармызда десек, оның ең қастерлісі тіл екенін әркімнің жеке сезінетініндей тіл мен тарихты, ғылым мен мәдениетті сабақтастыра байланыстырған тіл жанашырлары мен ғалым — ұстаздардың еңбектері таныстырылды.
«Өзге тілдің бәрін біл, өз тіліңді құрметте», – дейді ақын Қадыр Мырзалиев. Қазіргі қоғам басқа тілді үйренуге еш шек қоймайды. Дегенмен, қазақ тілін мемлекеттік тіл дәрежесіне көтеруге әр қазақтың үлесі болса екен.
Егеменді еліміздің тұғыры қашан да тіліменен биік. Ал тіл мен кітап сайып келгенде тамырлас, тағдырлас екендігін айтып, шара соңында оқушыларға өзгенің құлы емес өз еліміздің ұл – қызы болайық, өзгенің емес,өз еліміздің тілін ұлықтап, мәртебесін асырайық деп үндеу айтылды.
Гүлмерке Байзақова,
Н.Байғанин атындағы облыстық балалар кітапханасының кітапханашысы